Kodi Financiar për Gratë

Letër Zotimi

Fondi Kosovar për Garanci Kreditore (FKGK) ka nderin të mbështesë Kodin Financiar për Gratë ndërmarrëse (në vijim “WE Finance Code” ose “Kodi”), një iniciativë ndërkombëtare e cila synon të mbyllë boshllëqet në financim dhe të eliminojë pengesat për gratë ndërmarrëse. FKGK është e përkushtuar që të bashkëpunojë me akterët e tjerë në Kosovë për të ofruar lidership, për të  përmirësuar cilësinë e të dhënave dhe për të ndërmarrë  veprime konkrete në mbështetje të kësaj agjende.

Si Nënshkrues të Kodit Financiar për Gratë, FKGK zotohet për angazhimet e mëposhtme nën secilën nga  tre shtyllat kryesore të Kodit:

 

Angazhimet në Fushën e Lidershipit:

  1. FKGK cakton Nora Arifi si kampione e Kodit Financiar për Gratë për të udhëhequr dhe përfaqësuar përpjekjet e institucionit tonë në kuadër të Kodit.
  2. Promovimi i një mjedisi pune gjithëpërfshirës dhe jodiskriminues, në rekrutim, trajnime dhe zhvillim karriere, duke i mbështetur të gjithë punonjësit në rritjen dhe zhvillimin e tyre profesionale.
  3. Publikimi i një seksioni të veçantë mbi barazinë gjinore brenda institucionit në Raportin Vjetor të FKGK-së, për të promovuar transparencën dhe llogaridhënien.
  4. Promovimi i grave ndërmarrëse dhe historive të tyre të suksesit si përfituese të garancive kreditore të FKGK-së, duke përdorur dëshmi nga klientët.
  5. FKGK do të bashkëpunojë në kërkime, së bashku me Institucionet Financiare të Regjistruara, që të identifikojë nevojat e klientëve të tyre, biznese të drejtuara nga gratë dhe burrat, për të ofruar shërbime më të përshtatura.
  6. Promovimi i institucionit si mbështetës i grave ndërmarrëse dhe promovim aktiv i mundësive të financimit dhe lehtësimit të qasjes në financa për NMVM-të përmes Dritares për Gratë në Biznes të FKGK-së.

Angazhimet për të Dhënat/raporte:

  1. Të përcjellë indikatorët e Kodit Financiar për Gratë mbi nivelin e financimit të dhënë për NMVM-të me pronare gra.
  2. Të mbështesë grumbullimin e të dhënave mbi nivelin e financimit për biznese të grave.
  3. Të azhurnojë/përputhë MIS-in e FKGK-së me përkufizimin e rekomanduar të koalicionit kombëtar për bizneset e grave, për raportimin nën Kodin Financiar, duke ruajtur përkufizimin e FKGK-së për gratë në biznes për qëllime të brendshme.
  4. Të përdorë të dhënat nga paneli i Kodit Financiar për Gratë për të informuar vendimmarrjen.

 

Angazhimet për Veprim:

 

  1. Të zhvillojë dhe zbatojë shërbime jo-financiare për kompanitë të drejtuara nga gra, për të forcuar praninë dhe konkurrueshmërinë e tyre në treg.
  2. Të organizojë ngjarje rrjetëzimi dhe të ofrojë mbështetje për gratë ndërmarrëse që të kenë qasje në tregje të reja, duke përfshirë konferenca dhe panaire.
  3. Të rrisë numrin e klientëve Biznese të grave, që përfitojnë nga skema garantuese Dritarja për Gratë në Biznes.
  4. Të ofrojë trajnim për zyrtarët e kredive të institucioneve financiare partnere mbi përdorimin e garancive kreditore dhe mundësitë qëofron Dritarja për Gratë në Biznes.
  5. Të ndërmarrë iniciativa komunikimi/marketingu me Institucionet Financiare të Regjistruara në FKGK për të promovuar kreditë dhe garanctëi për NMVM të grave, përmes fushatave të përbashkëta në media dhe rrjetet sociale.