06.30.2016

Share:

 
Biznes… Rrite potencialin tend!

Prishtinë, 30 qershor 2016 – Programi i USAID-it për Fuqizimin e Përkrahjes Kreditore vazhdon të organizojë punëtori njëditore për biznese në lidhje me qasjen në financa. Punëtoritë, që janë diskutime të orientuara në formë të tryezave të rrumbullakëta, u mbajtën në Lipjan e Gjilan, si dhe patën të bënin me tema që lidhen me njohuritë financiare në përgjithësi, si dhe rolin e FKGK-së.

Qëllimi i punëtorisë është që të diskutohen me bizneset, në mënyrë interaktive, mundësitë e financimit të bizneseve të tyre, duke i informuar ata në lidhje me Fondin Kosovar për Garanci Kreditore: çfarë është ai dhe si funksionon.

Në këto punëtori, ndërmarrjet zgjeruan njohuritë e tyre mbi mundësitë e financimit të bizneseve të tyre, si dhe u informuan më shumë në lidhje me kriteret dhe pritshmëritë e huadhënësve. Gjatë diskutimit, bizneset këmbyen përvojat, duke identifikuar sfidat drejt përmirësimit të biznesit të tyre, si dhe në sigurimin e një qasjeje më të madhe në financa nga huadhënësit. Bizneset gjithashtu vlerësuan lart krijimin e fondit për Garanci te kredive, duke e parë atë si mundësi për rritje e qëndrueshmëri.

Programi EMPOWER Përkrahje Kreditore organizoi punëtoritë në bashkëpunim me komunat përkatëse: (1) Punëtoria në Lipjan, mbajtur më 10 qershor 2016, si dhe (2) punëtoria në Gjilan, mbajtur më 28 qershor 2016.

FKGK nënshkruan marrëveshje me dy institucione mikrofinanciare

FKGK nënshkruan marrëveshje me dy institucione mikrofinanciare

Prishtinë, 12 maj 2021 – Sot, në ambientet e Fondit Kosovar për Garanci Kreditore (FKGK), dy Institucionet Mikrofinanciare (IMF) më të mëdha për sa i përket vëllimit të kredive aktive - KEP Trust dhe FINCA Kosovë, nënshkruan Marrëveshjet e Garancisë për garantimin e...