10.17.2018

Share:

 
FKGK nënshkroi marrëveshjen për rritje të limitit për garanci me Bankën për Biznes

Prishtinë, 09 tetor 2018. Fondi Kosovar për Garanci Kreditore (FKGK) nënshkroi marrëveshjen për rritje të limitit të garancisë me Bankën për Biznes (BPB). Rritja e limitit për BPB-në do të rritë më tej kontributin e bankës drejt zhvillimit të portofolit të garancisë dhe arritjes së qëllimeve të marrëveshjes.

Gjatë ceremonisë së nënshkrimit të marrëveshjes kryeshefi ekzekutiv i Bankës për Biznes, z. Celina, theksoi:“Rritja e limitit të garancisë me Fondin Kosovar për Garanci Kreditore tregon tutje interesimin tonë që t’u mundësojmë NMVM-ve qasje në financa për bizneset, të cilat kanë mungesë kolaterali/hipoteke, duke kontribuuar drejtpërdrejt në zhvillimin e mëtutjeshëm të këtij sektori, sektor i cili ndikon më së shumti në rritjen ekonomike të vendit”.

Tutje, drejtori menaxhues i FKGK-së, z. Berisha, theksoi se “ marrëveshja për limitin e ri synon të zgjerojë tutje kredidhënien për bizneset kosovare, të kontribuojë në krijimin e vendeve të punës, në rritjen ekonomike, si dhe në rritjen e mundësive për sektorë ekonomikë, si: gratë, pakicat, bujqit, ndërmarrësit dhe rininë”.

Shuma totale e kredive të miratuara nga të gjitha bankat, të cilat janë vënë nën mbulimin e garancisë, ka arritur tashmë rreth 66 milionë euro, të shpërndara në 1.700 kredi.

Cila është procedura për të përfituar nga garancitë? Bizneset aplikojnë për kredi në bankë si më parë, duke i kaluar të gjitha procedurat bankare. Nëse vlera e hipotekës/kolateralit të kredimarrësit të ardhshëm nuk është e mjaftueshme, banka mund të vendosë që ta kualifikojë biznesin dhe ta lëshojë atë kredi duke shfrytëzuar garancinë e FKGK-së. Bizneset nuk mund të aplikojnë te FKGK-ja që të marrin garancinë.

Nënshkruhet marrëveshja për Ndihmë mes MF dhe FKGK

Nënshkruhet marrëveshja për Ndihmë mes MF dhe FKGK

Sot, zëvëndësministri i Ministrisë së Financave Agim Krasniqi dhe Drejtori Menaxhues i Fondit Kosovar për Garanci Kreditore Besnik Berisha nënshkruan  Marrëveshjen për Ndihmë në vlerë prej rreth 22.3 milionë euro. Kjo marrëveshje e cila vie si rezultat i Marrëveshjes...

Katërvjetori i lansimit të Fondit Kosovar për Garanci Kreditore

Katërvjetori i lansimit të Fondit Kosovar për Garanci Kreditore

Të nderuar lexues, Sot, përvjetori i katërt i nisjes së veprimtarisë së Fondit Kosovar për Garanci Kreditore në formë zyrtare, na gjen në një situatë të paparë më herët, duke u sfiduar me pasojat e krizës së shkaktuar nga pandemia e COVID-19. Për dallim nga vitet...