04.08.2020

Share:

 
Nënshkruhet marrëveshja financiare për Rritje të Kapitalit Garantues për FKGK

Prishtinë, 08 prill 2020 – Nënshkruhet marrëveshja financiare për Rritje të Kapitalit Garantues për Fondin Kosovar për Garanci Kreditore.

Ministri në detyrë i Financave dhe Transfereve, Besnik Bislimi dhe drejtori i Zyrës së KfW-së për Kosovë, Rene Eschemann, kanë nënshkruar marrëveshjen financiarepër Rritje të Kapitalit Garantues për Fondin Kosovar për Garanci Kreditore në vlerë prej 6,5 milion EURO.

Kjo mbështetje që është duke u bërë nga Qeveria Gjermane për agrobizneset është një lajm i mirë, në këtë situatë ku sektori i biznesit po përballet me krizën si rrjedhojë e pandemisë COVID-19.

Rritja e Kapitalit Garantues do të jetë e destinuar për Dritaren Agro të lansuar dy vite më parë. Dritarja Agro është linjë garantuese që operon në kuadër të FKGK-së dhe që ka për qëllim mbështetjen e agrobizneseve përmes garantimit të kredive për këtë sektor.

Kjo linjë garantuese e cila është financuar në tërësi nga Qeveria Gjermane, me ndërmjetesim të Bankës Gjermane për Zhvillim – KfW, tashmë e mbështetur me kapital prej 11.5 milion euro, do të vazhdojë fokusin në mbështetjen e kreditimit në sektorin e agrobiznesit, si njëri ndër sektorët më të rëndësishëm për krijimin e vlerës së shtuar në ekonomi, për zëvendësimin e importeve dhe për rritjen e aftësive eksportuese të agrobizneseve vendore.

Kjo ngjarje shënon një moment të rradhës për Fondin Kosovar per Garanci Kreditore, në rrugën e realizimit të objektivave institucionale, para se gjithash; lehtësimin e qasjes në financa për ndërmarrjet mikro, të vogla dhe të mesme në Kosovë, rritjen e punësimit dhe mbështetjen e zhvillimit ekonomik të vendit tone.

Shuma totale e kredive të miratuara nga bankat dhe që janë dorëzuar nën mbulimin e garancisë ka arritur tashmë në 180 milion euro të shpërndara në mbi 4,600 kredi, ndërsa investimet e bëra me këto kredi premtojnë mbi 6,500 vende të reja pune.

Fondi Kosovar për Garanci Kreditore shënoi 6 vjetorin e themelimit

Fondi Kosovar për Garanci Kreditore shënoi 6 vjetorin e themelimit

  Prishtinë, 20 Maj 2022 Fondi Kosovar për Garanci Kreditore gjatë kësaj jave  shënoi 6 vjetorin e themelimit. Me qëllim që ta shënojmë këtë përvjetor, të gjitha aktivitetet që filluan nga e hëna 16 Maj deri më 20 Maj i kemi titulluar “Java e Fondit”. Është bërë...

Olive Bakery – Një StartUP me shumë shije!

Olive Bakery – Një StartUP me shumë shije!

Olive Bakery – StartUP me plot shije! Olive Bakery u themelua në dhjetor të vitit 2021 si një ide e shkëlqyer e një të riu nga Prishtina. Me shumë entuziazëm Bajram Martinaj – pronari i Olive Bakery, plasoi në treg një biznes të ri, me një imazh të veçantë, produkte...