Albani ka një përvojë të pasur dhe të gjatë në sektorin bankar, me më shumë se 15 vjet në pozita të ndryshme që ndërlidhen me Menaxhimin e Riskut. Ai ka kontribuar në shumë aspekte të menaxhimit të riskut, përfshirë menaxhimin e riskut financiar, likuiditetit dhe atij të tregut. Si lider në procesin e implementimit të IFRS9, ai ka ndihmuar institucione të ndryshme që të përmbushin standardet e kërkuara për raportimin financiar, duke ndikuar në përmirësimin e proceseve të menaxhimit të riskut.

Ka përfunduar studimet  në fushën e Menaxhmentit dhe Informatikës si dhe ka vazhduar studimet master në Universitetin e Prishtinës. Gjithashtu, ka përfunduar  trajnime të specializuara në fushat e menaxhimit të riskut dhe të shkencës së të dhënave.

 

Në FKGK, Albani është i angazhuar si Menaxher i Lartë Riskut.

Albulena është ekonomiste me përvojë disavjeçare. Ajo ka mbaruar PhD në lëminë Ekonomiks në  një universitet në Mbretërinë e Bashkuar dhe posedon njohuri të gjera për metodologjitë e evaluimit.

Albulena është entuziaste pas modelimit ekonometrik dhe analizës së të dhënave. Interesi i saj varion nga ekonomia e punës, sektori financiar, ekonomia gjinore dhe arsimi.

Gjatë punës së saj, ka aplikuar metodologji të ndryshme tw evaluaimit. Ajo gjithashtu ka më shumë se dhjetë vjet përvojë në mësimdhënie të lëndëve në drejtimin ekonomi.

Në FKGK, Albulena është e angazhuar si konsulente/specialiste në Monitorim dhe Vlerësim..

[email protected]

+383 38 225 600 ext. 216

Aulona ka përvojë disa vjeçare në analizimin e të dhënave dhe hulumtin në Institutin GAP –organizatë jo qeveritare dhe Specialiste në Retail në Bankën për Biznes.

Aulona ka përfunduar studimet bachelor për “Ekonomi të Aplikuar dhe Menaxhment” nëUniversitetin e Prishtinës ku gjatë studimeve ka përfunduar një semester në Nysa, Poloni.Ajo, gjithashtu ka përfunduar trajnimet në fushën e Data Science në Creative Hub Kosova.Në FKGK, Aulona është e angazhuar si Specialiste për raportim dhe menaxhim të të dhënave.

[email protected]

Besniku ka më shumë se 15 vjet experiencë pune në sektorin bankar në Kosovë dhe Shqipëri. Gjatë përvojës së tij profesionale në bankë, ai ka punuar në pozita të ndryshme menaxheriale, kryesisht duke u përqendruar në zhvillimin e biznesit bankar në sektorin e NVM-ve. Pozitat e fundit përfshijnë anëtar i bordit drejtues, përgjegjës për zhvillimin e biznesit në ProCredit Bank në Kosovë dhe më vonë në ProCredit Bank Shqipëri. Besniku është ekspert në veprimtarinë bankare dhe ka përvojë të gjërë lidhur me NVM-të, sfidat dhe mundësitë që këto struktura të biznesit po përballen në treg.

Në FKGK Besniku është Drejtor Menaxhes si dhe Anëtar i Bordit sipas detyrës zyrtare. Besniku ka diplomuar në Fakultetin Ekonomik të Universitetit të Prishtinës, ndërsa, mban titull master në Administrim Biznesi – Menaxhimi Financiar në Universitetin e Lubjanës. Përveç kësaj, në korrik të vitit 2011 ai u diplomua në Akademinë ProCredit në Furth, Gjermani.

[email protected]

+383 38 225 600 ext. 207

Burbuqja ka përvojë të gjatë në sektorin bankar. Ka shërbyer në ProCredit Bank në Departamentin e Kredive dhe Përkrahjes së Biznesit kryesisht në fushën e administrimit të kredive.  Ka mbaruar studimet në Fakultetin Ekonomik në Universitetin e Prishtinës, drejtimi Banka dhe Financa,  ndërsa vazhdon studimet në Shoqatën e Kontabilistëve të Çertifikuar dhe Auditorëve të Kosovës.

Në FKGK Burbuqja është përgjegjëse për kontrollin e Portofolit Garantues.

[email protected]

+383 38 225 600 ext. 216

Jehona është juriste, e specializuar në fushën e të drejtës komerciale, civile, e kontraktore. Ka përvojë disa vjeçare ne sektorin privat e publik. Ka përfunduar studimet universitare dhe Master në Universitetin e Prishtinës “Hasan Prishtina”, Fakulteti Juridik, si dhe ka kryer provimin e jurisprudencës në Kosovë.

Jehona është angazhuar në FKGK si Zyrtare Ligjore, që nga muaji mars 2025.

[email protected]

 

Mrika ka përvojë të gjatë pune si menaxhere e projekteve, eksperte për mjedis dhe zhvillim rajonal. Ka punuar në shumë projekte të organizatave ndërkomabëtare si: NDI, UNDP, BE, GIZ dhe organizata vendore.Përvoja e saj në zhvillim rajonal, përveç tjerash përfshinë punën e ngushtë me komuna si dhe me sektorin privat në gjithë Kosovën.Ekspertiza e saj që lidhet me mjedisin ka qënë në shumë fusha: Projekte të energjisë; Vlerësim të ndikimit në mjedis; Edukim mjedisor dhe zhvillim të qëndrueshëm.

Mrika ka studiuar Biologji Aplikative në Universitetin e Prishtinës dhe vazhdoi programin master për Ekologji dhe Mbrojtje të Mjedisit në po këtë universitet. Gjithashtu, ka diplomuar me titullin master në Planifikim Hapsinor i Evropës dhe Zhvillim Rajonal në Suedi. Njëherësh, është e licensuar si vlerësuese për ndikimin në mjedis.

Në FKGK, Mrika është e angazhuar si Specialiste për Mjedis, Shoqëri dhe Qeverisje.

[email protected]

+383 38 225 600 ext. 206

Nora ka më shumë se 14 vite përvoje në sektorin bankar në Kosovë duke shërbyer kryesisht në pozita menaxhuese si Shefe e Menaxhimit të Produkteve, Shefe e Departamentit të Bizneseve të Vogla dhe Bujqësore, si dhe Menaxhere e Degës. Ajo  ka qenë e angazhuar në shumë fusha të ndërlidhura me zhvillimin e biznesit bankar, siç është përgatitja e Strategjisë së Biznesit, Politikave e Procedurave të Riskut Kreditor, duke kontribuar në themelimin e Njësisë Mjedisore në bankën e saj, si dhe çështje të tjera të resurseve njerëzore, siç është rekrutimi dhe trajnimi i personelit. Ajo gjithashtu ka qenë e angazhuar si ligjëruese në Qendrën e Trajnimeve ProCredit, Akademinë Rajonale në Veles, si dhe ProCredit Holding në Frankfurt.

Në FKGK Nora është përgjegjëse për zhvillimin e portofolit të garancisë si dhe zhvillimin e marrëdhënieve me palët relevante. Nora është ekonomiste me profesion, me titull në Menaxhim e Informatikë, si dhe ka ndjekur studimet në shkallën Master në fushën e Menaxhimit të Përgjithshëm Ndërkombëtar.

[email protected]

+383 38 225 600 ext. 206

Vilsoni ka më shumë se 13 vite eksperiencë pune në legjislacion në fushën e financave publike dhe sistemit financiar. Gjatë përvojës profesionale në Kuvendin e Republikës së Kosovës, ka mbështetur punën e Komisionit për Buxhet dhe Financa, me analiza teknike dhe këshilla ligjore për marrëveshjet ndërkombëtare financiare, legjislacionit që rregullojnë fushën e sistemit fiskal, sistemit bankar, pensional, të sigurimeve, dhe ligjeve tjera të miratuara në Kuvend, në aspekt të vlerësimit të ndikimit të tyre buxhetor dhe financiar.

Në FKGK, Vilsoni është përgjegjës për të gjitha aspektet ligjore të FKGK-së. Ai shërben si zyrtar i pajtueshmërisë, dhe gjithashtu si Sekretar i Bordit të Drejtorëve dhe Komiteteve të Bordit. Vilsoni ka diplomë Baçelor për Drejtësi në Fakultetin Juridik të UP-së.  Ka përfunduar studimet Master në fushën e Shkencave Juridike-Financiare në Fakultetin Juridik të Universitetit të Prishtinë, dhe ka ndjekur një Master të dytë në fushën e Menaxhimit Publik në Universitetin “Herite School of Governance” në Berlin, Gjermani.

[email protected]

+383 38 225 600 ext. 202

Vjosa ka shumë vite përvojë në sektorin bankar, ku ka zhvilluar përvojë të gjerë në banka, financa e kontabilitet.

Në FKGK përgjegjësitë e saj përfshijnë hartimin e procedurave të kontabilitetit financiar në lidhje me formimin dhe zhvillimin e FKGK-së si dhe menaxhimi financiar poashtu dhe administrativ i institucionit. Ajo ka diplomë Bachelor në Banka e Financa, si dhe diplomë Master në Financa e Kontabilitet.

[email protected]

+383 38 225 600 ext. 208