Fondi Kosovar për Garanci Kreditore (FKGK) është institucion i pavarur dhe i qëndrueshëm i cili përmes garancisë kreditore ndan rrezikun me Institucionet Financiare për kreditë e ndërmarrjeve mikro, të vogla dhe të mesme (NMVM-të).

Qëllimi i FKGK-së është të përkrahë sektorin privat në Kosovë, duke zgjeruar qasjen në financa për NMVM-të, duke mundësuar kështu edhe krijimin e vendeve të punës, rritjen e prodhimit vendor, përmirësimin e bilancit tregtar dhe avancimin e mundësive për sektorët ekonomikë më pak të shërbyer.

Qeveria e Kosovës përmes Ministrisë së Tregtisë dhe Industrisë, Agjencia Amerikane për Zhvillim Ndërkombëtar (USAID) dhe Banka Zhvillimore Gjermane KfW janë themelues të FKGK-së. Këto institucione po ashtu janë donatorë të kapitalit fillestar të FKGK-së.

• Agjencia Suedeze për zhvillim dhe bashkëpunim ndërkombëtar –SIDA (në cilësi të ri-garantuesit)
• Banka Botërore
• Banka Evropiane për Investime – EIB
• Fondi Investues Evropian- EIF (në cilësi të ri-garantuesit)
• Korporata Financiare e Zhvillimit Ndërkombëtar të SHBA-së  (DFC)
• Millennium Foundation Kosovo-MFK (asistencë teknike për zhvillimin e produkteve për energji të ripërtërishme dhe project finance)

Institucionet Partnere Financiare të FKGK-së janë: Banka Ekonomike Sh.A., Banka Kombëtare Tregtare, Banka për Biznes Sh.A., NLB Banka Sh.A., ProCredit Bank Kosovo J.S.C., Raiffeisen Bank Kosovo J.S.C.,TEB Sh.A., Raiffeisen Leasing Kosovë, FINCA, KEP, KRK dhe AFK.

Për më shumë: https://www.fondikgk.org/sq/partneret-tane

FKGK mund të regjistrojë Institucione Financiare kredidhënëse (Bankat, Institucionet Mikro Financiare, Institucionet Bankare jo Financiare) të cilat janë të licencuara nga Banka Qendrore e Kosovës dhe të cilat i përmbushin kriteret e përcaktuara nga FKGK: https://fondikgk.org/institucionet-financiare-partnere/ .

Garancia kreditore e FKGK-së është garanci për institucionet partnere financiare për të ndarë rrezikun me institucionet partnere financiare për kreditë e ndërmarrjeve mikro, të vogla, dhe të mesme (NMVM-të).

Garancia e FKGK-së mbulon vetëm kryegjënë. Ajo nuk mbulon kamatat apo shumat tjera të borxhit, apo shpenzimet e tjera që barten nga huadhënësi.

Garancitë e FKGK-së ofrohen për shumën deri në 50% të kryegjësë së kredive për NMVM-të dhe jo më shumë se 500,000 euro garanci.

Në disa dritare të caktuara dhe për vlera të caktuara të garancisë mund të ofrohen edhe përqindje më të larta të mbulueshmërisë.

FKGK nuk lëshon kredi dhe as grante. FKGK është një institucion garantues.

a) Kush përfiton nga garancia kreditore e FKGK-së?

NMVM-të të cilat kualifikohen për garanci kreditore janë ndërmarrjet të cilat plotësojnë kushtet e kredimarrjes në Institucionin Financiar përkatës por të cilat ballafaqohen me vështirësi në qasje në financim për shkak të mungesës së kolaterali; Që nuk kanë histori kreditore apo konsiderohen me rrezik të lartë nga institucionet financiare.

NMVM-të që kualifikohen garanci kreditore mund të janë ato që plotësojnë kushtet e poshtëshenuara:

• NMVM-të në pronësi private pa asnjë pronësi të Qeverisë gjatë periudhës së mbulimit të kredisë nga garancisë;
• NMVM-të që janë të regjistruara në ARBK dhe kanë Numër Unik Identifikues apo edhe fermerët që posedojnë Certifikatë të Fermerit dhe NIF (Numër Identifikues të Fermës);
• Së paku një pronari i NMVM-së duhet të jetë banor i përhershëm i Republikës së Kosovës;
• NMVM-të që kanë më pak se 250 punonjës;
• NMVM-të që nuk janë të ndaluara nga legjislacioni i aplikueshëm, dispozitat rregullatore ose traktatet ndërkombëtare në të cilat Kosova është palë;

NMVM-të janë ndërmarrje të cilat punësojnë më pak se 250 punëtorë.

FKGK garanton kredi të të gjithë sektorëve ekonomik të cilët nuk janë të ndaluar me ligj (për sektorët e ndaluar shih: https://www.fondikgk.org/sq/sektoret-dhe-qellimet-e-kredise-qe-ndalohen).

Ekspozimi maksimal i garancisë që FKGK mund t’i ofrojë huamarrësit ose grupit të ndërlidhur të huamarrësit do të jetë 500,000 euro, ndërsa madhësia maksimale e ekspozimit kreditor do të jetë 5 (pesë) milion euro.

Afati maksimal i kthimit të kredisë së garantuar do të jetë 120 muaj.

Llojet e financimit që mund të garantohen janë: kreditë, linjat kreditore, mbitërheqjet, lizingu financiar, garancionet bankare dhe letër kreditë.

Kreditë për investime afatgjata dhe afatshkurtëra për nevoja të biznesit të cilat nuk janë pjesë e listës përjashtuese 

Jo, kreditë për qëllime private nuk kualifikohen për garanci kreditore, vetëm kreditë për qëllime të biznesit mund të kualifikohen.

Po, tregtarët dhe zejtarët, personat e vetëpunësuar dhe fermerët mund të përfitojnë nga garancia e FKGK-së përderisa janë të regjistruar në Agjencinë e Regjistrimit të Bizneseve të Kosovës (ARBK) si dhe fermerët që posedojnë Certifikatë të Fermerit dhe NIF (Numër Identifikues të Fermës).

Po, pronari i biznesit që zotëron firma të shumta mund të përfitojë nga garancitë e FKGK-së me kusht që të mos kalohet ekspozimi maksimal i kredive të palëve të ndërlidhura prej 5 (pesë) million euro si dhe shuma maksimale e garancisë prej 500,000 euro.

Jo nuk mundet. Një kredi mund të mbulohet vetëm nga një skemë garantuese.

Po mundet për derisa të mos kalohet ekspozimi maksimal i kredive të palëve të ndërlidhura prej 5 (pesë) million euro si dhe shuma maksimale e garancisë prej 500,000 euro.

FKGK lejon garantimin e kredive të kompanive të reja (start-up).Një nga qëllimet kryesore të FKGK-së është përmirësimi qasjes në financa të ndërmarrjeve dhe segmenteve më pak të shërbyera. Për këtë qëllim FKGK lejon garantimin e kredive të kompanive të posa hapura.

Huamarrësi potencial (NMVM) nuk aplikon për garanci por aplikon për kredi në njërin nga Institucionet Partnere Financiare ( shih përgjigjen në pikën 5) të FKGK-së. Institucioni Partner Financiar pasi që të kryen analizat e zakonshme të kredisë duke zbatuar standardet e miratimit dhe nëse kompania i plotëson kriteret e FKGK-së atëherë vet Institucioni Financiar përkatës do e vendos kredinë nën garancinë kreditore të FKGK-së.