01.14.2021

Share:

 
ARBËRIA GROUP – prodhuese e ujit natyral mineral “Ujë i Alpeve“

Arbëria Group është kompani e cila merret me prodhimin e ujit natyral mineral “Ujë i Alpeve“ dhe me prodhimin e lëngjeve të gazuara.

“Ishte viti 2010 kur themeluam fabrikën e Ujit të Alpeve me qëllim që të prodhojmë dhe sjellim ujë cilësor natyror nga burimi deri te sofra e konsumatorëve. Uji natyral i Alpeve buron nga thellësia e Alpeve në malet e Gollakut në fshatin Koliq, në një lartësi mbidetare mbi 1200 metra, nga një burim i lashtë uji natyral mineral, i njohur si ujë me cilësi të lartë”, thekson z. Afrim Osmani, pronar i biznesit.

Aktualisht, kompania është duke bashkëpunuar me më shumë se 1500 kompani vendore, hipermarkete dhe supermarkete vendore, si dhe shitës me pakicë.

“Që nga 2010-ta, kompania jonë ka arritur që të zgjerohet, duke shtuar linjat prodhuese dhe numrin e të punësuarve, dhe të njihet si emër në mesin e konsumatorëve. Për të ofruar një cilësi të lartë, ne e ambalazhojmë ujin me teknologji moderne evropiane të certifikuar sipas standardeve evropiane, teknologji e cila mundëson që Uji i Alpeve t’i ruajë të gjitha vetitë natyrale nga burimi. Por, përpos teknologjisë së avancuar që kemi, për të realizuar planifikimet dhe për të qenë konkurrues në treg, ne kishim nevojë të investojmë edhe për kapitalin punues. Këtë investim e arritëm me kredinë që u garantua nga Fondi Kosovar për Garanci Kreditore”, thekson z. Osmani.

Përmes investimit të bërë, kompania arriti të realizojë prodhimin si dhe shitjet e planifikuara, gjë që njëkohësisht rezultoi me zhvillim të biznesit.
Mbështetja e këtij investimi është bërë përmes kredisë së garantuar nga Fondi Kosovar për Garanci Kreditore së bashku me Programin COSME të Fondit Evropian për Investime, të cilët janë duke mbështetur qasjen në financa për NMVM-të në fazat e ndryshme të ciklit të jetës së tyre, si gjatë krijimit, zgjerimit ose transferimit të biznesit.

Lansohet Pakoja e Rimëkëmbjes Ekonomike nga FKGK

Lansohet Pakoja e Rimëkëmbjes Ekonomike nga FKGK

Prishtinë, 14 dhjetor 2020 – Fondi Kosovar për Garanci Kreditore (FKGK) në bashkëpunim me  Qeverinë e Republikës së Kosovës dhe donatorët ndërkombëtar lansoi Pakon e Rimëkëmbjes Ekonomike.   Pakoja e Rimëkëmbjes Ekonomike (PRE) është një linjë e re garantuese që do të...

Katër vite nga miratimi i garancisë së parë

Katër vite nga miratimi i garancisë së parë

Fondi Kosovar për Garanci Kreditore (FKGK), me kënaqësi ju njofton për mbushjen e vitit të katërt nga miratimi i garancive të para kreditore. Gjatë këtyre katër viteve FKGK ka vazhduar të jetë proaktive ndaj nevojave të sektorit, duke i përmirësuar në vazhdimësi...