FKGK dhe Banka Ekonomike zgjerojnë dhe përmirësojnë kushtet e Dritares – GROW
Fondi Kosovar për Garanci Kreditore (FKGK) dhe Banka Ekonomike kanë nënshkruar marrëveshjen për vazhdimin dhe zgjerimin e Dritares GROW, me kushte dukshëm më të favorshme për bizneset që investojnë në efikasitetin e energjisë dhe prodhimin e energjisë së ripërtëritshme.
Çka ndryshon me GROW?
- Rritja e përqindjes së garancisë nga 50% në 70%.
- Rritja e vlerës maksimale të ekspozimit kreditor nga 5 milionë në 7 milionë euro.
- Rritja e shumës maksimale të kredisë nga 1 milion në 3 milionë euro.
- Rritja e maturitetit të kredisë nga 84 në 120 muaj.
- Ulja e tarifave të garancisë.
Që nga viti 2016, kur Banka Ekonomike u bë institucion i regjistruar financiar në FKGK, ky partneritet ka mundësuar disbursime mbi 77 milionë euro kredi të mbështetura me garanci nga FKGK, duke dëshmuar rol të rëndësishëm në mbështetjen e ndërmarrjeve të vogla dhe të mesme në vend. Kjo marrëveshje e sotme, bashkëpunimi mes dy institucioneve dëshmon vendosmërinë e dy institucioneve në angazhimin e lehtësimit të qasjes në financa.
