03.09.2022

Share:

 
FKGK nënshkruan marrëveshje me Agjencionin për Financim në Kosovë (AFK).

Sot, në ambientet e Fondit Kosovar për Garanci Kreditore (FKGK), u nënshkrua Marrëveshja e Garancisë me Agjencionin për Financim në Kosovë (AFK).

Kjo marrëveshje u nënshkrua për garantimin e kredive bujqësore brenda Dritares Agro të FKGK-së.
Kjo ngjarje shënon më tutje zgjerimin e marrëveshjeve që FKGK realizon me Institucionet Mikrofinanciare duke ofruar garanci për kredi bujqësore për fermerët dhe agrobizneset vendore.

Z. Vahdet Anadolli, Drejtor Ekzekutiv në AFK, theksoi që nënshkrimi i marrëveshjes së Institucioneve Mikrofinanciare me FKGK-në do të jetë shtytëse e madhe në rritjen e kreditimit dhe një hap domethënës drejt rritjes së përfshirjes financiare në Kosovë.
Gjithashtu, theksoi që është shumë mirë që AFK është përfshirë në rrethin e katër institucioneve mikrofinanciare që kanë marrëveshje me Fondin Kosovar për Garanci Kreditore.

Znj. Bahrije Dibra, Kordinatore e Lartë për Sektorin e Financave dhe Energjisw -KfW theksoi që ky është një hap i rëndësishëm për FKGK-në meqë tani kemi marrëveshje me katër institucionet më të mëdha mikrofinanciare në Kosovë, e që shenon arritjen e synimit tonë. Këto marrëveshje shpresojmë që do të lehtësojnë kredi dhënien dhe do të ndikojnë dukshëm në krijimin e kushteve sa më të mira për financimin e Agro bizneseve dhe të lehtësojnë qasjen në financa për këtë kategori.

Dritarja Agro është skemë garantuese që operon në kuadër të FKGK-së me qëllim të mbështetjes së fermerëve dhe agrobizneseve duke garantuar kreditë për këtë sektor.
Deri më tani janë garantuar rreth 33.6 milion euro – kredi bujqësore dhe janë rreth 11.4 milion euro garanci aktive në këtë sektor.

Kapitali i përgjithshëm i Dritares Agro është në vlerë totale prej 11.5 milion euro që është financuar plotësisht nga Qeveria Gjermane, përmes Bankës Gjermane për Zhvillim – KfW.

Fondi Kosovar për Garanci Kreditore shënoi 6 vjetorin e themelimit

Fondi Kosovar për Garanci Kreditore shënoi 6 vjetorin e themelimit

  Prishtinë, 20 Maj 2022 Fondi Kosovar për Garanci Kreditore gjatë kësaj jave  shënoi 6 vjetorin e themelimit. Me qëllim që ta shënojmë këtë përvjetor, të gjitha aktivitetet që filluan nga e hëna 16 Maj deri më 20 Maj i kemi titulluar “Java e Fondit”. Është bërë...

Olive Bakery – Një StartUP me shumë shije!

Olive Bakery – Një StartUP me shumë shije!

Olive Bakery – StartUP me plot shije! Olive Bakery u themelua në dhjetor të vitit 2021 si një ide e shkëlqyer e një të riu nga Prishtina. Me shumë entuziazëm Bajram Martinaj – pronari i Olive Bakery, plasoi në treg një biznes të ri, me një imazh të veçantë, produkte...