01.28.2022

Share:

 
MOEA FRUTOMANIA – Shishe e vogël me dashuri të madhe

Gjithnjë është kënaqësi kur shkon dhe e viziton një biznes vendor i cili me tërë kapacitetin, përkujdeset që të ofrojë produkte cilësore dhe krejtësisht natyrale.
Fabrika të cilën e vizituam, është themeluar që në vitin 2006. Qysh atëherë idea dhe qëllimi kryesor ka qenë dhe mbetet kultivimi, prodhimi dhe plasimi në treg i produkteve natyrale të të gjitha llojeve të pemëve që kultivohen në tokën e Kosovës.
Natyra që e rrethon fabrikën, mjetet, hapësira, kushtet e punës, organizimi i gjithëmbarshëm, të lë përshtypjet më të bukura dhe një mësim se si duhet të funksionojë e të rritet prodhimtaria.
Fshati Kravaricë, afër Gjilanit është pikërisht vendndodhja e biznesit që vizituam – MOEA – e cila kultivon mollë ,vishnje, boronicë dhe fruta tjera me gjithë kapacitetin e saj.
Aty prodhohen lëngje, reçelë FRUTOMANIA që janë 100% natyral dhe llojllojshmëri. Brend ky që ka emër për cilësi, ofron produkte të shëndetshme, origjinale dhe 100% natyrale.
Era e mollëve, ambienti i pastër, pjesa ku bëhet selektimi i frutave, konzervimi, shtrydhja dhe i tërë zingjiri i prodhimit të lëngjeve super natyrale dhe vendore, janë tregues që ky biznes është rritur dhe qëllim e synim kryesor e ka cilësinë dhe ofrimin e produkteve të shëndetshme.
Me mbi 400 hektarë tokë, mbi 30 punëtorë të rregullt gjatë gjithë vitit dhe të tjerë sezonal, varësisht nga volume i punës, MOEA ka arritur që me profesionalizëm e përkushtim, përveç tregut vendor të depërtojë edhe në tregun ndërkombëtarë, sepse cilësia ëshët kriteri kryesor për këtë biznes. Deri sot ka arritur të plasojë 16 lloje të pijeve të ndryshme, natyrale dhe shumë cilësore, reçelë dhe pije alokoholike në shumë vende Europiane si Austri, Hungari, Finlandë, Itali, natyrisht edhe në Shqipëri.
MOEA është biznes që ka shfrytëzuar kredinë nga skema garantuese e FKGK-së, në kuadër të PAKOS SË RIMËKËMBJES EKONOMIKE. Në fakt janë dy kredi të shfrytëzuara e të cilat kryesisht janë shfrytëzuar në sigurimin dhe furnizimin me lëndë të parë, repromaterial dhe ambalazhim. Këto kredi janë aprovuar shpejt dhe lehtë, pa patur nevojë për kolateral, si pjesë e lehtësimit të qasjes në financa që ka ofruar pakoja e rimëkëmbjes.
Mikëpritja, prezantimi porfesional i biznesit nga stafi dhe menaxhmenti që takuam, na la shije të mirë të një biznesi vendor që vazhdon të zhvillohet dhe rris kapacitetet e saj.

Fondi Kosovar për Garanci Kreditore shënoi 6 vjetorin e themelimit

Fondi Kosovar për Garanci Kreditore shënoi 6 vjetorin e themelimit

  Prishtinë, 20 Maj 2022 Fondi Kosovar për Garanci Kreditore gjatë kësaj jave  shënoi 6 vjetorin e themelimit. Me qëllim që ta shënojmë këtë përvjetor, të gjitha aktivitetet që filluan nga e hëna 16 Maj deri më 20 Maj i kemi titulluar “Java e Fondit”. Është bërë...

Olive Bakery – Një StartUP me shumë shije!

Olive Bakery – Një StartUP me shumë shije!

Olive Bakery – StartUP me plot shije! Olive Bakery u themelua në dhjetor të vitit 2021 si një ide e shkëlqyer e një të riu nga Prishtina. Me shumë entuziazëm Bajram Martinaj – pronari i Olive Bakery, plasoi në treg një biznes të ri, me një imazh të veçantë, produkte...